ولازلنا ندور وسنظل ندور

زائر

سعيد عمرو 8 سنين

سعيد يسأل أمه ..

سعيد : ماما ماما ..

أم سعيد : شو بدك ؟..

سعيد : ماما شو يعني انا بحبك ؟.

أم سعيد : يعني متل ما انا بحبك

سعيد : بس انا سمعت شب عم يئول لبنت هيك

ام سعيد : من وين سمعت هالكلمه ؟.

سعيد : انا وراجع من المدرسه شفت شب وائف مع بنت وعم يئلها انا بحبك وما حئتخلى عنك وبدي اطلب ايدك من ابوكي ..

أم سعيد : ولا سعيد اذا مره تانيه بتسمع هالكلمه من هيك عالم بئول لابوك

سعيد : ماما ليش انا شو ساويت ؟..

روح من وشي ولا ..

سعيد يفكر : شو يعني كلمة بحب ذنب ؟..

سعيد بيسأل أبوه ..

سعيد : بابا بابا شو يعني انا بحبك وما حئتخلى عنك وبدي احكي مع ابوكي واطلب ايدك منو؟..

أبو سعيد (( بعصبيه )) : من وين سمعت هالحكي ولا

سعيد : سمعت شب عم يئول لبنت هالحكي !!

أبو سعيد (( بعصبيه )) : ولا سعيد .. اذا مره تانيه بتتسمع لهيك احاديث ساقطه بدي كسر راسك فهمان ولا !!!

سعيد (( خايف )) : بس بابا انا شو دخلني طيب يعني هيك انهن مذنبين الشب والبنت ؟..

أبو سعيد : اى مذنبين وبدن تكسير راس كمان لعما ما عاد عرفت تربي العالم ...

سعيد : حاتر بابا ما عاد اسمع هيك احاديث

سعيد المراهق

سعيد عم يحكي مع بنت الجيران ...

سعيد : انا بحبك ريما ..

ريما (( بخجل )) : وانا كمان

بيعيشوا مدة سنه حب وهيام ويا سلام

سعيد يخرج من فترة المراهقه ..

سعيد عم يحكي مع حالوو

الله يرحم ايامك يا ريما ههه شو كنت مولدن انا ايامها ...

سعيد الشب ..

سعيد العشئان الولهان ..

سعيد بيحكي مع ابوه

سعيد : بابا انا ما بتزوج غير رهف ..

ابو سعيد : لك خراس ولا والله وكبرت وطلعلك لسان

سعيد : بابا لا ترغمني على شي ما بدي ياه انا بحب رهف وما بتخلى عنها ..

أبو سعيد :: ليك يا ابني يا سعيد برضاي عليك حط عئلك براسك وتروك رهف لزوجك بنت مرتبه والا بغضب عليك هاه

سعيد : طيب شبها رهف بابا

ابو سعيد ما شبها شي بس لانك بتحبها ما حئخطبلك ياها منيح هيك ... ال حب ال

سعيد بيطلع من البيت متدايئ كتير

سعيد حسبها وضرب اخماس باسداس وما بيئدر على غضب ابوه

سعيد بيئول بئلبوا (( بكرا ابني لخليه يحب وياخد البنت يلي بدو ياها ..

سعيد بيتزوج البنت يلي نئاها ابوه مع انو رهف كانت مناسبه اكتر ورهف بنت عالم وناس كمان بس لانو حبوا بعض ما عاد لازم يتزوجوا !!!

سعيد المتزوج

أبو سعيد : شفت كيف لك ابني الله يرضى عليك يارب

سعيد : الله يخليلي ياك فوئ راسي يا بابا

(( سعيد مو عاجبوا الوضع بس بدو يعيش ))

سعيد صار عندوولد

سعيد الاب ...

ابن سعيد : بابا بابا شو هو الحب ؟..

سعيد : ولا وين سمعت هالكلمه ؟..

ابن سعيد : سمعت شب عم يئول لبنت انا بحبك ...

سعيد : ولا اذا بسمعك مره تانيه عم تسمع هيك احاديث بدي كسر راسك فهمان ولا ؟..جيل اخر زمن صار يفهم بالحب وضراب الصخن !...

ابن سعيد : حاتر بابا .

(( يا ترى مو هاد سعيد نفسوا يلي كان حابب وعم يئول بدي خلي ابني يحب وياخد البنت يلي بيحبها ؟. .. ليش هلئ عم يمنعوا من الحب ؟..))

ولا لازلنا ندور بنفس الدائره ....

السلام عليكم ورحمة الله وبركاته
يعطيك العافية أختي الفاضلة سكون الليل
على هذه القصة الجميلة
بس الي عجبني اكثر شي
سرد القصة
وللعلم هذا واقع
يعني يوجد كثير
من الأباء والأمهات يتعاملون مع أبنائهم
بهذه الطريقة وهكذا تبقى الدائرة دائرة
إلى أن يأتي شخص لديه الأمكانية
على أن يفهم هذا الطفل ما معنى الحُب
.....
شوفي عاد إلى متى الأنتظار
تقبلي مروري
والصلاة والسلام على سيدنا محمد وعلى آله وصحبه الأخيار ومن تبعهم بإحسان إلى يوم الدين

زائر

Mohammed◄ كتب:: السلام عليكم ورحمة الله وبركاته
يعطيك العافية أختي الفاضلة سكون الليل
على هذه القصة الجميلة
بس الي عجبني اكثر شي
سرد القصة
وللعلم هذا واقع
يعني يوجد كثير
من الأباء والأمهات يتعاملون مع أبنائهم
بهذه الطريقة وهكذا تبقى الدائرة دائرة
إلى أن يأتي شخص لديه الأمكانية
على أن يفهم هذا الطفل ما معنى الحُب
.....
شوفي عاد إلى متى الأنتظار
تقبلي مروري
والصلاة والسلام على سيدنا محمد وعلى آله وصحبه الأخيار ومن تبعهم بإحسان إلى يوم الدين

واللي اعجبني توااجدك وحضورك
وكلماتك الجميلة

دمت بكل محبة واحتراااام اخي محمد

تحية من القلب

سكووون الليل العسل

قصة رائعه جدا وواقع متداول

ومهما حاولنا ان نغير وان نقنع انفسنا

اننا لن نسير على نهج اباءنا نعود ونرى

انهم كانوا اعلم منا بما ربونا عليه وخوفهم علينا

شكرا لك دمتي لي بكل الود والحب يا عسل